突然冇睇頭 張曦雯平時裝假狗
無綫藝人張曦雯（Kelly）、張秀文及楊洛婷等前晚出席活動，眾女性感登場，秀文與Kelly同以黑色低胸喱士裝示人，但後者明顯縮水，她解釋：「件衫唔可以塞太多嘢，塊布比較細，但有做足安全措施。（平時會加工？）有多啲Support會有唔同效果。」問到平時着泳衣是否都加工？她說：「正常唔會，游水好易跌嘢，有啲嘢浮咗出嚟就唔好。」問秀文又可有加工？她坦言：「今日算係少加工嘅一次，因為露背，只可以用Nude Bra。（要你平胸更難？）要我變成男士身形有難度，做手術都未必得。（會唔會因為身材太好，少人搵你演男性化角色？）係！我都想宣傳吓，我好男仔頭，唔好再搵我演啲情婦、勾引人角色，我唔係唔鍾意，而係我做得唔似，可能我係大婆命，做唔到小三。」
