沈卓盈初見即送吻：咀到郁呀！
藝人沈卓盈與朱晨麗（朱朱）為無綫劇集《特技人》宣傳，劇中飾演一子之母的沈卓盈大爆第一日開工便要咀男主角譚俊彥，她笑說：「第一日就要拍咀戲，大家當時都唔熟。（一Take過？）拍咗好多次，鏡頭擺位有遠有近，仲要我哋咀到郁呀！」談到好姊妹陳凱琳傳將婚禮地點改為布吉，她笑說：「留番當事人講，安全最緊要。（幾時到你？）之後見到佢要摸摸佢，一定要沾佢啲Luck呀！」
朱晨麗眼紅紅
現場所見朱朱明顯雙眼通紅，她說：「開工時化妝品唔係好乾淨，細菌感染，依家要keep住搽藥膏。」提到前晚播出的替身戲，朱朱性感打扮做跳躍動作，她說：「我起初唔係好接受到，服裝研究好耐先着上身，咁大動作兼下身條褲仔超高衩，加上室外拍，驚途人影到走光相。（身形弗過選美嗰陣？）要操，年紀大喇！」