「金水」轉行做Sales被誤會博宣傳遭怒炒

好似「長腿金水」咁，有樣有身材，但喺娛圈發展麻麻，拍電影只能演一啲等同臨記嘅角色，模特兒工作又唔多，不過佢勝在口才了得，英文亦Talk得，為生活唔介意做Sales。早排佢喺名店做Sales，靠分花紅賺錢，收入唔錯，令佢決心轉行，希望慢慢由兼職轉做正職。但點知「金水」做Sales呢件事被公開後，公司竟然指摘佢用嚟自我宣傳，一怒之下炒咗佢，無辜辜冇咗份兼職，一頭霧水兼無奈。