楊秀惠為救陳山聰小產哭崩

楊秀惠「面青口唇白」拍攝小產戲。

出生入死一個月

最近拍了不少喊戲的秀惠，被問有何秘訣流出真眼淚？她說：「都係諗番呢一個月同山聰嘅相處，如果有個咁嘅人同你出生入死，到分離呢一刻我都會忍唔住喊。好多謝山聰呢個月來咁照顧我，我先可以喊得出。」

提到秀惠早前在《愛．回家之開心速遞》的喊戲獲讚，會否怕陸續有來？她笑指新劇有多場喊戲：「都好大壓力，拍嗰時唔可以放鬆，佢哋都唔敢撩我玩，搞到個人有啲憂鬱，後面仲有好幾場喊戲，日日數住仲有幾多場先拍完。」

「解禁」請食大餐

她指山聰早前絕食操肌，不忍心在他面前食零食及消夜。問到是否已欣賞過對方的「成果」？她笑言：「都係，應有盡有。」並笑言得知山聰拍完騷肌戲後「解禁」，已即時請他食大餐，更約好拍完後再食飯慶祝。

陳山聰與楊秀惠於劇中患難見真情。

楊秀惠笑言陳山聰的肌肉「應有盡有」。