藝人狄波拉（拉姑）與老公鬍鬚Kong前晚在港出席好友的泰國餐廳開張活動，她指兒子謝霆鋒不在香港，待他回港後炮製新菜式給她品嘗。霆鋒與張栢芝離婚後，一對兒子Lucas和Quintus由栢芝主力撫養，對於Lucas前日11歲生日，問她有否與孫仔慶祝？她說：「有！會見o架啦，爹哋都會同佢慶祝。（霆鋒不在港？）佢做緊嘢，唔一定要正日慶祝，佢快高長大我哋已經好開心。」她大讚兩個孫：「好乖，有禮貌到不得了，同佢哋同枱食飯好有規矩，我同霆鋒都覺得真係有家教！」
而在內地錄影《中國好聲音》的霆鋒，昨日在微博表示當地受到颱風「雲雀」吹襲，並上載短片及留言：「中國好多水！help！」見到他無奈望着窗外，不單露台水浸連間房都有水，他表示只睡了兩小時，起身見到房間入水：「不是腦子進水，房間進水！救命！」另外，ViuTV節目《鋒味前奏》播出最後一集，霆鋒被問到夢想，他說：「唔想做一個求其嘅集體回憶音樂會，起碼要個場地、設施、煙花、燈光效果、舞台效果，係大家入到去會：『嘩！』即係大家都會覺得過癮。」