祖兒讚《奪命証人》：鬥估兇手！
容祖兒、古巨基及佘詩曼等一眾紅星欣賞舞台劇《奪命証人》，大讚秦沛、謝君豪及劉嘉玲演技精湛，祖兒表示睇劇時一直跟母親鬥估誰是兇手，基仔及阿佘則被感染得心郁郁想演舞台劇。
由謝君豪、劉嘉玲及資深演員秦沛主演的英皇舞台劇《奪命証人》近日熱演中，再有大批圈中紅星捧場，包括容祖兒、古巨基、佘詩曼、梁漢文、周慧敏、張達明、谷德昭及黃心穎等，影帝梁朝偉再度撐太太劉嘉玲，並與《430穿梭機》時代的拍檔譚玉瑛合照。
祖兒表示與母親前來欣賞舞台劇，大讚劇情緊張：「唔到最尾一分鐘都唔知結局，一直同媽咪鬥估誰是兇手。」基仔和阿佘都讚劇情扣人心弦，令他們心思思想演舞台劇，希望之後有合適劇本。
演員每場傾力演出，完場都獲觀眾狂拍掌和尖叫。嘉玲表示演出以來一直沒有放鬆，也不敢抽離：「怕一放鬆就出錯，每晚演出完都好High，返到屋企都唔可以即刻休息，瞓醒又會去運動，個腦不停背台詞，呢排都瘦咗五至六磅。」而謝君豪表示跟一眾演員合作得非常開心，秦沛的出色演技更感染大家愈演愈投入。
秦沛開演瘦幾磅
至於秦沛笑說：「我嘅責任係將最好做出嚟，大家尖叫都好應該，不過舞台劇係全體合作，我從影七十年，成日有人話我做得好，其實台前幕後一個都不能少。」他特別稱讚飾演見習律師的演員陳健豪出色，反而要他照顧：「我教完佢，佢吸收得快，識得提我轉場景，有時舞台熄燈黑晒，我年紀大睇唔到，都係靠佢扶返我入後台。」他又表示開演以來瘦了三至四磅，因每日只吃兩餐並戒了消夜。講到子女姜文杰及姜麗文都有捧場，秦沛笑說：「阿女話見我突然好大聲咁同嘉玲講嘢，毛管都豎起晒。」