由內地著名女星李冰冰與荷里活動作巨星積遜史特咸（Jason Statham）合演的荷里活新作《極悍巨鯊》（The MEG），前日在北京水立方舉行記者會及首映。
除了男女主角之外，導演莊泰圖托（Jon Turteltaub）、台灣男星趙文瑄及美國女星Ruby Rose等都有出席。記者會上，冰冰即場投訴導演是「全世界最可怕的導演」，指導演成日即場改英文對白：「佢完全置合約於不顧！搞到我每日都好緊張，現場又好多人睇住，積遜同Ruby都喺現場，如果我背唔到，大家都會以為我冇做準備。直到三個月後某一日，導演靜雞雞同我英語助理講：『今日冰冰終於冇埋怨我，證明佢已經接受我嘅工作方式！』」