麥明詩鞏姿希玩爭仔
前港姐馮盈盈與麥明詩昨日為主持節目會見應屆20位候選港姐，期間向師妹獻計，明詩教師妹自製緋聞增添話題性，而盈盈就傳授參選與拍拖如何取得平衡的貼士，認真新潮！
馮盈盈與麥明詩昨日為無綫節目《#後生仔傾吓偈》錄影，與一眾候選佳麗見面。麥明詩自爆與E鞏姿希有微妙關係，她說：「早兩日發現佢係緋聞男友（藥房太子爺）個表妹。」更即席教對方不要過早暴露身份：「應該一齊出街畀人影，咁就會寫我哋爭仔，跟住有個表講鬥身材嗰啲，不過依家太遲啦！（覺得班師妹點？）有啲好斯文，有啲好開放，但對答似番一個人，唔係喺火星未返地球咁，自己當年都係咁畀人話我離地。」
馮盈盈教箍仔
至於身穿透視裝的盈盈非常搶Fo，並點名指與T鄧卓殷（Amber）很有緣。原來兩人除同樣畢業於香港大學，亦用同一個髮型師，加上參選時已名花有主，故準備以過來人身份傳授經驗給師妹：「好似點同男友維繫感情嘅貼士，等佢拍拖同參選取得平衡。」
談到盈盈曾於鬧市咀爆男友，問Amber可試過與男友當街接吻？她尷尬說：「比較少，因為男友唔喺香港！（有冇嘢想請教師姐？）想問最困難係要面對啲咩問題？」盈盈直言處理關係最緊要，除了與男友維繫，亦切忌得罪化妝師，保持與台前幕後關係良好，好讓選美過程得以暢順。