楊思琦寫真帶挈搵銀機會

藝人楊思琦本月7日40歲生日，昨午她偕同媽媽及囡囡楊卓穎，到深水埗舉行生日會及寫真集簽名會，場面熱鬧。卓穎相當貼心，親手繪製生日卡，又帶頭唱生日歌。思琦指今年生日意義非凡：「今年出寫真反應幾好，有電影、電視劇、代言同活動嘅工作洽談中。（後悔咁遲先出寫真？）今次係出版商搵我，各方面配合到，可能係最佳時機。」
講到感情事，思琦坦言隨緣。
講到感情事，思琦坦言隨緣。

談到生日願望，思琦希望大家開心、幸福及身體健康，感情事則隨緣。至於日前曾志偉寸爆港姐外景事件，港姐出身的她笑說：「留喺香港對佳麗都有好處嘅，我記得我嗰年去日韓，適應唔到天氣搞到流鼻水，同埋覺得好凍。」

思琦偕母親和囡囡到場，囡囡更自製生日卡氹媽咪。
  • 思琦偕母親和囡囡到場，囡囡更自製生日卡氹媽咪。