葉翠翠冇炒家傭：佢同我道歉
上月底誕下第二胎的藝人葉翠翠，坐完月後昨日首度現身母嬰產品活動。早前她在社交網發文吐苦水，指家傭搣一歲大仔的鼻子，令她心痛，對此她表示仍有僱用對方：「佢同我道歉，佢都知咁做唔啱。（部分網友批評你小題大做，覺唔覺係無妄之災？）唔緊要，每個人想法唔一樣，我只係分享吓日常事。」
現場見她身形甚弗，翠翠坦言仍未回復產前身形，又自嘲出院時似浮屍：「呢條裙係我生完就買，買嚟激勵自己，但前兩個星期都着唔落條裙，我同大會講我嚟唔到，我唔想變咗另一個Size嘅人出嚟見大家，到上星期終於着得落。」她稱坐月期間沒有節食及做運動，只靠按摩。