克勤呻TVB契仔唔易做

歌手李克勤前晚睇陳志雲的演嘢會，被對方即興捉上台玩踢爆：「志雲飯局唯獨克勤做三集。」克勤笑言：「唔係點樣叫『TVB契仔』呀？我以前以為呢個係讚，但最親係親生仔，跟住到收養嗰啲，之後先到契仔，連遺產都冇得分，要等廿年先攞到『最受歡迎男歌星』。」志雲又稱幸而克勤早已娶了盧淑儀，若果要他選現任港姐作配偶應該難以下手。另一嘉賓張敬軒抱病仍來演唱，力撐志雲。