美國樂壇小天后Ariana Grande與視星Pete Davidson打得火熱，不過最近男方將亡父的頸鏈送給她而被網民批評不孝。Pete的父親任職消防員，因911恐襲事件而殉職，而他更被踢爆曾將頸鏈送贈給前女友Cazzie David。
Pete近日透過社交網回應：「事實上，我冇畀過我前女友！係，佢係有條，但佢嗰條只係複製品！我有好多條複製品，我嘅親姊妹同祖父都有條（複製品），而Ariana嗰條就真係我爸爸死時戴住嘅，佢成世人開工都戴住，我亦戴咗17年，所以對我好有意義！請學識友善啲，唔好估人哋最差嘅一面，呢個真係最恐怖嘅生存方式！」
另外，Ariana與名模Gigi Hadid及「神奇女俠」Gal Gadot等最近為運動品牌拍廣告，各展美態。