準媽媽吳日言（Yan）今年再搞慈善跑活動，邀得好友森美及董嘉儀（LuLu）拍攝網上宣傳短片，拍攝當日，挺住約4個月肚的她到場探班。當見到森美瞓地時，她感激說：「佢瞓咗喺地4個鐘，真係瞓身演出，仲要碌埋落樓梯。」LuLu則以「港版羅拉」造型出現，要搬要抬又要曬，LuLu說：「親身體驗搬運工作，啲貨唔係『吉』箱嚟，好怕撞到人，所以都小心翼翼，係個慢手腳嘅羅拉。」
