老公做飛人慰妻阿嬌未敢不設防
鍾欣潼婚後首度拍電影，自爆老公賴弘國完成工作就會返港陪她，兩口子不會相隔異地，不過她揚言要先養好身體再進行造人計劃，拒絕婚後不設防。
藝人鍾欣潼（阿嬌）、賈曉晨、余安安及凌文龍昨日為新片出席記者會，已8年沒有拍過港產片的阿嬌，將在戲中飾演社工，預計留港拍攝一個月，至於是否要與老公賴弘國分隔兩地？她甜笑說：「唔係呀，佢做完嘢都會返香港。（有時間搞婚禮？）一直搞緊，啲朋友同事幫手，但依家都未影相。（想點影？）有畫面啦！」又指婚照應在外地影。
養好身子先生仔
她說婚宴應在12月舉行，由英皇老闆楊受成包起酒席，至於早前楊生表示要送樓給她，她指尚未收樓，笑言：「好似未起好！」再三被催生仔的她，直言不會不設防，認為生BB要計劃及養好身體。
賈曉晨掛住囡囡
至於去年為老公樊少皇誕下囡囡的賈曉晨（JJ），透露囡囡目前8個月大，直言當媽咪後無時無刻都掛住她，為了多陪囡囡而推掉內地的拍攝機會。談到收身成績不俗，JJ表示仍未達到自己的要求，又直言暫時未想生第二胎。至於老公可有跟她回港？她說：「呢幾日返咗嚟，之後要去工作，最少去一個月。（有叫你唔好拍戲？）冇咁講，但係我佗BB同湊BB，已經好耐冇工作，我就覺得工作可以有成就感，所以少少都會做！爸爸已經成日開工，如果媽媽都成日開工，對BB唔好！」
