楊曉穎笑楊嘉文胸大行路辛苦

32H導彈o靚模楊嘉文來勢「胸胸」殺入書展，但A Cup「陳嘉容師妹」楊曉穎（Sharon）則無緣入戰場，莫非「大」蝦「細」？Sharon昨日在銅鑼灣租下單位做寫真館並布置成閨房，更會相約十位男粉絲「入屋」High Tea，宣傳其《My First...Sharon》寫真卡：「啲咕𠱸都喺屋企拎嚟，我喺屋企會着住睡衣，一陣同佢哋影吓相，畀佢哋視覺感受好似男女朋友。（做佢哋一日女友？）唔得，掰唔開，分唔到十個。（介意得A Cup？）冇A咁誇，其實着B Cup Bra，我好Proud of A ，平時唔戴Bra，鍾意裸睡，做Model胸太大冇Job，覺得唔需要隆胸，男仔鍾意女仔唔一定胸大，我有45吋長腿。」對於楊嘉文以「大」入書展，Sharon笑言戥對方行路辛苦，曾參選環球小姐和中國小姐的她，自比是選美出身，同o靚模不同。