陳柏宇聲帶出血封嘴！

準爸爸歌手陳柏宇（Jason）為賺奶粉錢，開騷、出Trip又錄音，結果聲帶出血兼腫脹，昨日他在社交網表示聲帶出事，要乖乖「靜」養，除了商業活動外，如非必要都不會說話！太太符曉薇暫時充當其發言人，笑指他可能為未出世的B女感到壓力：「我依家個肚太大，好少做嘢，收入停咗，將來使嘅錢又多，所以佢好勤力。佢應該好攰，成日都好早起身拍嘢，所以收咗工就瞓一陣，夜晚又要Keep住做Gym，為演唱會做準備。」她指老公曾遇上同樣情況，但他不喜歡喝湯水養聲：「惟有唔講嘢、做手語啦，佢太鍾意講嘢喇！」Jason再透過文字表示與休息不足有關，但仍要「無聲」工作。