提到洪卓立嫌悶 湯怡惹分手疑雲

藝人湯怡、唐詩詠昨日現身MARELLA時裝活動，提到男友洪卓立時，湯怡表現避忌，惹來分手疑雲！自認是購物狂的她，被問到男友有否投訴買得太多？她說：「唔講佢。（佢都好瘋狂購物？）我唔知佢係唔係，唔知佢鍾意買乜。（係咪甩拖？）唔想提感情事，想低調啲，講咁多年我都悶。（悶就結婚囉？）呢兩個字依家冇喺我腦入面出現過，依家以事業為重。」不過，她表示與男友有共識，少談感情專注工作。