Bob湊仔女成頭煙：係上天獎勵

一臉福相的林盛斌為圈中數一數二的「多仔公」，擁三女一子林霏兒（10歲）、林熹兒（6歲）、林機兒（3歲）及林道申（10個月大）的他，每天出外忙工作，回家就忙湊仔女，生活相當「充實」！

嗌爹哋樂此不疲

Bob日前便公開「湊仔實錄」，短短一小時，要餵細女食飯，幫二女梳頭，之後再氹睡醒了扭抱嚎哭的細仔，正當他忙不過來之際，大女霏兒放學回來，剛巧因小事鬧情緒，Bob又要細心地開解。

Bob親自餵食飯，機兒自然食得特別開心。	Bob直言見證子女成長的過程非常幸福。	熹兒（左）與機兒是體操好手，隨時都可以做提腿、一字馬等動作。

雖然整個過程有傭人姐姐在旁幫忙，但四個仔女最愛的當然是爸爸，「爹哋、爹哋」叫個不停！難得Bob樂此不疲，更笑言這是上天恩賜的聲音：「聽見佢哋叫我，同埋見證住佢哋嘅成長過程，係一件非常幸福嘅事，當然湊大佢哋嘅過程，都會有壓力同佢哋會曳曳，但都係情趣嚟，亦係上天畀我嘅獎勵。」

難忘首個父親節

身為圈中多仔公的Bob透露不少人向他請教生B秘笈，當中不乏圈中夫婦，他還誇口笑言：「呢兩年有幾對星級夫婦有小朋友，都要多謝我o架！」父親節將至，問Bob覺得過往哪一個父親節最難忘？他說：「都係大女出世後過嘅第一個父親節，因為第一次做爸爸，抱住個女感覺好幸福！」至於今年正日因為有工作，所以他早前特別包了一間餐廳，與父親、岳父及屋企人提早慶祝，相當熱鬧！