即將臨盆的前港姐陳倩揚昨日到九龍灣出席綠化活動，透露離預產期尚有40天：「醫生話第3胎可能會早啲，所以呢兩日我執屋、周圍貼Label提醒老公我喺醫院時有乜要記得做。我留咗兩位哥哥嘅衣物畀妹妹（腹中塊肉），我亦叫朋友唔好送咁多衫仔畀我。」
問到倩揚是否封肚？她說：「會照顧好三個小朋友先，但如果個天再畀我，我亦唔抗拒。我好享受將小朋友由白紙開始，灌輸佢色彩人生及正面嘅價值觀。」又表示產後9月便會重返電台開咪：「畀個Break自己，有嘢做唔好諗無謂嘢。」
