李蘊湊成「好」字唔封肚
懷孕7個多月的藝人李蘊（Renee）將於7月回港待產，昨日公開大肚寫真宣布胎兒是男嬰，跟兩歲女兒羅紫晞湊成「好」字！Renee接受電話訪問時表示囝囝將8月出世：「個天對我太好！生完個女就畀個仔我，初頭以為都係生女，兩個女都冇問題，但湊個『好』梗係最好啦！」
Renee又說老公覺得兩個小朋友夠晒數，但她鍾意懷孕、湊B的過程，故不抗拒再生，不過或要等幾年或十年後，因自己今年才26歲，勝在夠後生。問到寫真相造型較保守，只透視肚皮，且老公又沒出現？Renee就指因已婚不能太性感，至於老公為人低調不愛拍照，只負責看靚相。
