李克勤豪遊日本8萬坐火車
歌手李克勤近日與太太盧淑儀撇下一對兒子，孖溥儀集團行政總裁邱子傑及太太邱李茂琪一同去日本旅行，期間搭乘去年5月才通車的超豪華臥鋪列車「TRAIN SUITE四季島號」展開火車之旅。克勤難掩興奮心情，連日來邊玩邊上載旅行相及短片與眾同樂。
歎美酒睇風景
登車前，克勤似足旅遊節目主持介紹火車，之後又在車廂內一邊品嘗美酒，一邊欣賞沿途景色，更留言：「又真係幾好玩喎！」另一段短片，見到克勤帶備結他同行，去旅行都不忘練習，自彈自唱歌曲《只想你會意》。
克勤受訪時表示今次玩得好開心：「喺火車入面望住車外風景、食住米芝蓮大廚整嘅美食，係心曠神怡嘅！喺四日三夜行程入面，火車到站係會落車觀光，我去咗青森、函館等地方。而價錢方面真係要問我太太，只知價錢係包晒火車內所有膳食、以及火車以外嘅酒店住宿。」據知「四季島號」的行程每人索價32萬日圓至115.5萬日圓（約2.2萬港元至8萬港元）不等，不少網友都指克勤認真識歎，捨得花8萬元搭四日三夜的火車之旅！