李佳芯克服恐懼加血先夠真

藝人唐詩詠、李佳芯及何廣沛近日為無綫劇集《白色強人》在觀塘辦公室拍攝外景，飾演醫生的三人在辦公室即場為傷者施手術。劇中有不少手術場面的李佳芯原本十分怕血，但現時已經習慣，她笑說：「套劇拍咗一半，依家習慣晒見血，反而有時唔見血唔習慣，有時拍手術戲仲會問，使唔使加多啲血呢，哈哈。」問到看見及接觸到男士的Body會否尷尬？李佳芯笑說：「唔會，其實好多手術場面都係假人嚟！」唐詩詠亦有同感，笑說：「對方多數都已經陷入昏迷狀態，哈哈。」
唐詩詠（左）和李佳芯在新劇飾演醫生，救急扶危。
唐詩詠（左）和李佳芯在新劇飾演醫生，救急扶危。

何廣沛認鍾意男人

李佳芯大爆何廣沛與男演員有感情戲，HeHe味濃，何廣沛笑言：「我同個男演員會有段情深對話，成套劇加埋嘅對白都唔夠呢場戲多！佢暗戀我，之前仲暗中偷窺我，所以我就化身談判專家去幫佢。」唐詩詠認為角色很適合何廣沛，更笑問對方可曾暗戀過男仔？何廣沛坦言：「我試過鍾意男仔，好似金城武、古天樂我都鍾意。（見到會表白？）我見到古天樂都會同佢講，我會話你好靚仔！我之前喺內地咁啱撞到佢，我哋有交流，但係唔記得講咩，因為太緊張。」在旁的唐詩詠即取笑何廣沛一提起已面紅紅。

李佳芯和唐詩詠拍攝手術場面時有板有眼。
  • 李佳芯和唐詩詠拍攝手術場面時有板有眼。