雷頌德難忘林燕妮教扮靚
才女林燕妮日前因病逝世，其兒子李凱豪的好友雷頌德（Mark），對於看着他長大的Auntie離世，深表難過，並揚言對方雖然外表Cool但其實很多話說，亦曾教過他扮靚。由於Mark與李凱豪感情深厚，故對方只要一開聲，Mark定必會現身幫忙！而林燕妮的喪禮已定於6月26日在港舉行。
林燕妮因肺癌離世，終年75歲，其兒子李凱豪的好友雷頌德前晚與導演劉偉恒出席電影《某日某月》謝票活動時，細說當年與林燕妮相處點滴：「佢個仔好早已經通知咗我，當然唔開心，佢係我由細識到大嘅Auntie，中一時已認識佢，除咗為這段友情關係而傷感，香港又少了一位標誌性嘅文人作家！佢係一個好Cool嘅Auntie，但每次通電話，佢總係唔願收線，有好多事想告訴我咁。」Mark對時裝觸覺敏銳，原來正受林燕妮所薰陶：「佢有份教我哋（Mark與凱豪）扮靚！佢對靚追求得好緊要，又對整個時裝美學瞭如指掌，不止學扮靚，也關乎一個人對自己嘅執着。」
6．26舉行喪禮
Mark跟李凱豪感情深厚，故對方有甚麼需要幫忙，只要一開聲定必會做，而林燕妮喪禮亦已定於6月26日於北角香港殯儀館舉行，並無任何宗教儀式。
為悼念林燕妮，無綫昨日凌晨播放2008年由她拍攝的《向世界出發》，當中提及其家庭、愛情及喜好，面對爸爸、兩位弟弟林振強、林振剛及妹妹林雁妮相繼去世，她大感無奈，還指妹妹很年輕便逝世，她看着殯儀館的人替對方化妝同着衫：「我個妹條眉好靚，係唔使畫嘅，佢哋攞支絨頭筆一畫，我話唔可以咁，但啲化妝師話畫咗唔抹得，咁稍微幫佢化吓妝，其實我妹妹好靚，佢唔使化妝，眼好大、鼻好高，我覺得我唔滿意個化妝，我話蓋棺啦！唔好瞻仰遺容嘞！」
一向熱愛時裝的林燕妮，在節目中笑言曾試過想都不用想就決定買一件價值107萬的紫貂，並說：「買咗之後，同售貨員講，唔好話畀我阿媽知，千祈唔好話畀任何人知！」
苦戀黃霑十四年分手唔服氣
愛情方面，林燕妮美國大學畢業後，嫁給李小龍兄長李忠琛並育有一子李凱豪，但結婚數年後，因性格不合離婚。之後戀上已婚的黃霑，受盡千夫所指，連她的父母都傷心不已，之後她跟黃霑苦戀十四年，最終因為第三者介入而令戀情告終，當時令林燕妮很不服氣，一度放不下，直至1999年林燕妮到韓國華溪寺參加了為期六星期的短期禪修課程，經過一番刻苦修行，令她終於學懂放下。