蔡瀚億連踩43小時

男星蔡瀚億（BabyJohn）最近忙於拍攝網劇《性敢中環》及兩部電影，忙到試過連續43小時沒睡覺，期間更只去了三次廁所。他說：「同期拍攝三部作品係有啲吃力，但亦代表大家對我嘅認同。四十幾個鐘冇瞓，最辛苦唔係捱眼瞓或體力問題，而係冇時間去廁所！其實忙起上嚟組接組經常有，啱啱嗰次就上一組放遲咗，而架車又到咗，好急都冇辦法啦！惟有用意志力死忍，一到現場就即刻去解決，哈哈！」