麥明詩豪語400萬后冠換同彭于晏合作
前港姐冠軍麥明詩前晚在活動上，笑言選港姐最好是可以跟靚仔合作，為了可以與男神古天樂及彭于晏拍劇，更願意付上約值400萬的后冠作代價！
「十優港姐」麥明詩（Louisa）、陳凱琳（Grace）、雷莊𠒇等前晚到葵芳出席《2018香港小姐競選》招募行動，並分享選港姐的難忘事，Louisa笑言最難忘是可以與靚仔拍劇，又坦言非常仰慕苗僑偉：「之前睇《使徒行者》時仲讀緊書，冇諗過之後竟然可以同佢合作拍《使徒行者2》。」她亦笑言想與古天樂及彭于晏合作：「有一日做到彭于晏阿媽都好！」
着「窿窿裙」冇有怕
問到為了跟他們合作願意付出甚麼代價？Louisa即說：「后冠！即係可以將最珍貴嘅嘢攞出嚟。（你個后冠值幾錢？）應該就係400萬。」問到可會賣出后冠？她說：「如果家徒四壁或者突然有意外，可能有需要咁做，但盡量都唔會，會努力工作賺錢。」講到身穿的吊帶連身裙側身有幾個「蠱惑的窿窿」，她笑言已做足安全措施。
同場的何依婷則表示選港姐最難忘是可以扮靚着靚衫，而張寶欣笑言是可以坐到無綫的24座小巴。而正播放的招募短片中，由於雷莊𠒇拍攝時不在港，所以沒有參與。
陳凱琳廚藝包尾得啖笑
至於Grace講到在新一輯《美女廚房》首集包尾，她不諱言睇番都覺得好笑，自認對煮飯沒天分。問到男友鄭嘉穎可有作安慰？她說：「冇，佢明白最緊要係氣氛好，觀眾睇完有話題笑吓都係好事。」她又指男友試過其手勢：「其實以往冇咁失手，我煎過豬扒畀佢食。」而講到本月23日的27歲生日，她表示月初開始已獲朋友慶生，並坦言正日會與嘉穎在港二人世界。