爆汗雷莊𠒇酒店密會野戰男

擁有34.5C巨咪、下周三（13日）便24歲的雷莊𠒇（Juliette），參選港姐時一直被網民抨擊，就算奪得冠軍亦備受質疑，遭批評不夠漂亮兼哨牙，但Juliette卻懶理，早前還揚言卸任後便返回家鄉加拿大生活，尋求到荷里活發展外，與男友亦不用再「異地戀」。

大騷S形身材

最近仍留港等卸任的Juliette，工作量不多，加上男友不在身邊，愛情與事業都「雙失」，「冇王管」的她，日前相約舊戰友到酒店密會，促進友誼。當日黃昏約六時，化了靚妝、穿低胸吊帶貼身裙大騷S形身材的Juliette，離開北角寓所乘港鐵往中環，出閘後於指示牌前搵路，沿途步往附近一間酒店時，見她行到身水身汗、面都濕晒，要邊行邊抹汗。

坐在酒店大堂的雷莊𠒇，一見「野戰男」即開心起身。	放大圖片	雷莊(兒)與「野戰男」齊齊搭𨋢上樓。

及後Juliette坐在酒店大堂等待，期間不時左顧右盼，引來目光時她還一臉避忌低下頭撳電話，未幾一名外籍男士上前與她會合，Juliette甫見對方即展露甜笑，並拎起手袋與男方邊行邊傾，二人快步入𨋢上樓，直至凌晨時分仍未見她離開。

雷莊(兒)去年當選港姐冠軍，即將卸任的她計劃向荷里活發展。	睇指示牌	等車撳電話

冇上房男友知情

事後Juliette接受本報訪問，她稱該外籍男友人是舊同學，她說：「當日我哋唔係上房，只係一大班朋友去咗25樓嘅Bar。（男友知唔知？）知！佢知對方係邊個，因為個舊同學啱啱搬返嚟香港，大家咪出嚟聚吓，都十年冇見面。（當日打扮好性感喎？）咁熱，着條Sun Dress啫。（舊同學以前有冇追過你？）佢冇，以前我哋鍾意一齊打War Game，我以前好男仔頭嘅。」