陳敏之捱轟認疏忽

陳敏之招聘店長遭網民鬧爆，表示會作詳細了解。

月薪8,000被指奀

敏之受訪時表示：「我負責香港管理，內地就拍檔去做，不過唔代表唔關我事，可能我都有疏忽。我了解過，係想請一個店長，店長有機會過嚟香港或者其他地方管理舖頭，但係資格係點我就唔清楚，亦都唔想大家有太多誤解。」

此舉令網民擔憂有人借工作移民來香港，敏之說：「相信唔會，我哋係小生意，廣州得一間舖，店長得一個位。因為唔係我寫，都要了解一下。」敏之又指招聘已經完結，將來若用這句說話會小心。講到有網民彈店長8,000元人工太少，敏之說：「我都了解過，喺內地嚟講係合理，其實我哋都係小本經營，希望起薪點大家包容，有做得唔好希望網民都包容。」

森美與子「斷交」

至於森美大呻在外國留學的14歲兒子開始不回覆訊息，父子「斷交」一個月，森美笑言：「依家對小朋友好似追女仔咁，又要買禮物氹佢。都諗住唔送個女去外國讀書，驚佢唔返嚟！」不過，囡囡睡前會錫啖老竇，這位「前世情人」氹得森美甜入心！

森美、陳敏之傾咩咁開心？	陳敏之在廣州招聘店長的宣傳海報。	陳敏之開設餅店搞得有聲有色，近日因開新店惹來網民爭議，望多多包容。