首次出席英皇開幕活動 個個請教詩雅湯怡泳兒

同是英皇旗下藝人的陳冰、石修、彭秀慧、何佩瑜及曾樂彤,都是首次出席公司旗下戲院的開幕禮,當中陳冰、彭秀慧、何佩瑜及曾樂彤更是加盟英皇後,第一次出席英皇活動,可謂別具意義。

何佩瑜與曾樂彤不約而同表示:「尋晚緊張到瞓唔着,事前都有問『前輩』衛詩雅、湯怡同泳兒有乜嘢要注意,好開心可以見到任達華及方中信兩位大師兄,好想藉此機會同佢哋自拍留念。」近日忙進軍電競界的衛詩雅說:「頭先見識咗呢度嘅ScreenX影院,ScreenX就好似我平時用兩個Mon打機咁,個畫面勁真,如果可以喺入面打機一定好正,或者公司可以安排G-Rex喺度玩場『食雞』,到時我一定要嚟睇。」

湯怡則表示近期忙於為電影《某日某月》宣傳:「我都希望遲啲《某》片可以喺呢度上映,亦好期待喺度同影迷見吓面啦!」泳兒笑說:「之前隻碟翻唱咗幾首電影主題曲,反應都唔錯,希望之後會有機會可以唱電影歌曲。」