曾傳過撻着姬赫遜（Kate Hudson）與狄美摩亞（Demi Moore）等譜姊弟戀的25歲「熟女殺手」兼人氣歌手Nick Jonas，近日被爆與年長10歲的印度女星Priyanka Chopra相戀，二人與大班好友出海度假影大合照時，頭貼頭似乎勁親密，而早前出席活動時亦有大方合照！
據悉，二人上周五在洛杉磯密會，知情人士證實二人拍拖：「佢哋都好開心又密密冧笑，好享受一齊嘅時光，冇親熱舉動，只係傾吓偈同成日大笑！」