杜小喬插腎抽組織：呢世人最驚！

杜小喬自爆讀書時曾迷戀師姐，但因不擅溝通而未有再進一步。

杜小喬為東網巨星節目「海馬牌床褥特約」《閨蜜睡房》擔任嘉賓，一連三集與主持人李惠儀（Kiwi）分享個人經歷。深受網友歡迎的小喬，坦承不懂與人溝通：「喺學校嗰陣，我係嗰啲存在感比較低嘅人。」隨後突然在網上爆紅，她指有朋友驚訝得問：「你唔出聲o架喎！」

讀女校有顆「攣攣的心」

求學時曾讀女校的小喬，自爆當時有過一段迷戀期：「我會見到比我大嘅女同學，佢哋打扮比較中性，我都有少少迷戀過一陣子！不過我唔識同人溝通，所以唔係識好多師姐或者師兄。」

三年前確診患上紅斑狼瘡症的小喬，憶起在醫院的日子，直言是「呢世人最驚一次」：「嗰日有幾個醫生圍住我喺度討論，感覺到好似大件事！第二日一次過抽咗30支血，再第二日有女醫生安慰我，因為確診咗係紅斑狼瘡，嚴重嘅會致命！當時我嘅腎炎狀況好嚴峻，要即時拮一支針落去抽腎嘅組織，喺冇麻醉情況下，支針都粗，真係好痛。」她慶幸得到家人及男友的細心照顧，目前病情穩定及受控。想知道更多小喬的秘密，記得本星期五、六、日收睇《閨蜜睡房》喇！

杜小喬憶述患病時留院治療的過程，猶有餘悸。

杜小喬與主持Kiwi分享成為網紅的轉變。