胡鴻鈞力撐許廷鏗破處
歌手胡鴻鈞（Hubert）昨日到電台宣傳新歌《偷聽情歌》，講到近日有網民提議他與好友許廷鏗拍攝港版的日劇《大叔的愛》，重演HeHe戀，對此Hubert感到十分搞笑：「如果佢真係肯拍，我一定撐！話晒佢堅守咗『處男』之身咁耐，一直唔肯拍劇，如果佢真係肯『破處』，作為朋友我一定支持佢，一齊拍劇又點話。不過我相信佢應該冇興趣喇，佢好忙！」
他表示知道該劇屬無厘頭喜劇，大讚好友許廷鏗有喜感：「佢私底下份人好討喜又好笑，成日語出驚人，不過佢偶像包袱太重，我成日話如果佢肯將私底下嗰面呈現出嚟就好，唔好咁大包袱。」另外，他又笑言自己都想「破處」開騷，但心急不來：「唔想粗製濫造，真係做到嘅時候想好好睇睇。」
