王嘉儀初做監製被睇小

歌手王嘉儀（Sophy）昨日到電台宣傳新歌《翩翩》，透露喜歡歌曲帶出的堅持愛做就做的態度，雖然可能遇上反對及質疑的聲音，但只要堅持一樣可以達成夢想：「大家唔好因困難而氣餒，係正面精神。」問到是否覺得女人做事特別容易遇上困難？Sophy指第一次做唱片監製時，因業內較少女監製而可能遭質疑，但會視為一種挑戰：「學識咗要好肯定話畀人聽，我要啲乜唔要啲乜！其實呢啲情況，無論男仔定女仔都有可能遇上，最緊要係堅定。」