張子丰欽點吳海昕重現電影經典

多方位創作人張子丰（Fred）回歸歌手身份，事隔一年推出新歌《爛片王》，他自爆於數百「候選人」中揀得「民選港姐」吳海昕（Sofiee）擔任MV女主角，重演四齣經典電影過戲癮，但不會完全模仿戲內情節。相比自己的造型，Fred更着緊Sofiee：「每一幕都花好多時間去傾點拍，搵佢拍係因為想要一個有電影感、有氣質嘅女仔。」Sofiee聞言受寵若驚：「最開心佢講我有電影感，係我一直建立嘅形象，今次都好鍾意重演嘅四個角色，冇乜邊個MV可以扮足咁多個女神。」並表示扮演舒淇最感壓力：「MV係冇對白，要靠肢體語言去表達，要點樣用佢楚楚可憐嘅眼神做戲。」講到最深刻一幕，兩人不約而同指是《天若有情》的電單車情節。