陳山聰閉氣晒巨肺持久力驚人
陳山聰拍攝落水戲浸足幾個鐘，平日有跑步的他獲讚閉氣能耐高。他稍後會開拍新劇與楊秀惠合作，將要除衫示人，難怪他要練定腹肌。
藝人陳山聰前晚為《金宵大廈》拍攝一場水中戲，他於水中拍了四個多小時，監製葉鎮輝做足安全措施，安排多個潛水員及兩名攝影師坐鎮，令山聰拍得相當安心，他昨日受訪時說：「呢套戲係我拍咁多戲以嚟最多水戲嘅一部，跳海跳咗四次，之前喺水箱又浸咗全日，今次就浸咗四個鐘頭。」可能平日經常跑步練氣，山聰指閉氣對他來說並非難事：「原來我都可以閉氣閉好耐！三個潛水員都話我犀利，潛咁耐都唔使上水。」
地獄式訓練操肌
《金》劇昨日拍畢最後一日外景，但山聰沒有時間休息，即到馬來西亞拍無綫節目，之後回來登台，隨即又為另一新劇《十八年後的殺人告白》拍攝，與楊秀惠飾演一對，他透露劇中要騷肌：「要拍一場除衫打拳戲，依家教練同我地獄式訓練，要晒六舊腹肌。」
楊秀惠擔正女一
對於擔正新劇女一，楊秀惠坦言好開心：「都有少少壓力，因為個角色好特別，要做好多功課！今次同山聰喺入面會有好浪漫嘅感情戲，係我真正同佢第一次合作，希望有火花。」說到屆時會與《愛．回家之開心速遞》同期拍攝，秀惠表示公司會盡量安排配合檔期：「辛苦都唔怕，會做好佢，最多都係辛苦幾個月啫！」
