張智霖求婚冇跪蝕埋耳環呻笨
張智霖為新片拍攝一場向胡杏兒求婚的戲份，笑言「男兒膝下有黃金」的他自爆當年向太太袁詠儀求婚時也未有跪低，更自爆當時多送了一對耳環，但太太卻不領情，他呻笨謂打錯如意算盤！
型男張智霖（Chilam）和胡杏兒昨日到西灣河拍攝新片《死亡通知單暗黑者：首部曲「雙雄會」》，今次是杏兒加盟蕭定一旗下的首部電影作品，並擔任女主角。
「咁多年未見佢戴過」
受訪時，Chilam與杏兒重演求婚戲，為她戴上戒指，但就不肯跪地，他笑言：「跪唔跪唔重要，最緊要夠大粒，2卡幾o架！」更透露當年向老婆袁詠儀（靚靚）求婚時，同樣沒有下跪：「男兒膝下有黃金！（因為老婆即刻應承？）我哋係兩情相悅，冇咁多繁文縟節。」Chilam又笑言當時為靚靚炮製驚喜，可惜她不太受落：「我懶係勁，喺新加坡酒店話送禮物畀佢，點知佢打開見係耳環，有少少失望，我再話仲有，然後拎戒指出嚟。但諗番轉頭我笨咗，買多對耳環，仲要咁多年都未見佢戴過！」
杏兒想老公跪耐啲
杏兒亦指老公李乘德求婚時起身太快，笑言：「自然反應叫咗佢起身，應該要佢跪耐啲先可以好好記住，呢啲嘢一世人一次嘛。」Chilam聞言笑說：「如果呢啲嘢有第二次，佢應該係賴咗嘢，所以我係唔會跪嘅。」對於有指好姊妹黃智雯正為婚期擇日子，杏兒說：「要問番佢喎，愈早愈好啦，我哋都要度期，但都要保持番神秘感。」