羅霖請零食谷肥閨蜜 康華爆蕭正楠「𠽌𠽌𠽌」
以謝雪心為首的「一局四司」，因拍劇成為閨蜜。拍攝期間，羅霖豪請零食，被封為「士多霖」。康華表示從不吃零食，卻因羅霖改變習慣：「拍完劇後喺屋企，我竟然會攞阿媽包薯片嚟食。」同樣不吃零食的謝雪心亦被感染：「初時我唔食o架，後來都失守，肥咗20磅。」張文慈（Pinky）更笑言肥了8磅，幾乎逼爆戲服。羅霖對此連番「耍冧」：「真係唔好意思，搞到你哋個個都肥晒，係我唔好啦！」反而她瘦了一圈，因睡不夠便會瘦。
張文慈擲3萬宴客
於橫店拍外景時住在蕭正楠隔籬房的康華大爆：「有朝我喺房門邊聽到『𠽌𠽌』聲，望出去發現阿蕭拉住個門框做緊引體上升，谷到好行，得我睇到真身，原來男人Keep胸肌可以勤力過女人。」
另外，Pinky早前代表《宮2》劇組，與其他劇集演員進行麻雀比賽，結果勝出獲3萬元獎金。她承諾將獎金交由梅小青處理，作宴請台前幕後飯局之用。Pinky聞得收視佳績，即與胞姊相約到韓國「慶功」﹕「咁好成績好開心，之前同公司請咗幾個月假，6月會歸隊拍劇，想趁空檔試一次玩盡、食盡佢。」雖然「汪司膳」貪小便宜，但原來背後有悲慘故事，近日更有網民大讚她演得可愛，她開心說：「我嘅角色身世都幾可憐，大家睇落去就知，多謝網民支持。」