組合廿四味前晚到銅鑼灣出席手錶品牌活動，即場演唱助興。問到會否買錶送給家人？Eddie抵死說：「會送畀個仔，畀隻舊嘅佢，自己戴新嘅。」講到成員陳子聰缺席，廿四味繼續五缺一，他們講笑說：「佢唔玩o架喇！」阿肥笑說：「佢呢幾個月唔玩住，依家休養緊，不過都好健康喇！可能見我哋個個六舊腹肌咁，自己匿埋猛咁練都唔定。」
