陳家樂被老竇嘲戲屎

藝人陳家樂、陳柏宇、菊梓喬等昨日出席活動，受訪時家樂講到與家人的關係，表示小時候年少氣盛，易與家人衝突，經常處於繃緊狀態，但近年與家人關係好了很多：「自己年紀大咗，父母又年長咗同退咗休，所以就多啲傾偈同陪佢哋，我會同媽咪玩捉精靈遊戲，同阿爸夾Band、踢波。」問到可會考慮與爸爸登台唱歌？他笑言：「都想，阿爸自己都會去酒樓開騷唱歌，但我唱歌唔得，佢話我唱歌成劈嘢咁，又話我啲戲屎，佢做過臨時特約演員，成日話自己跟喺周潤發後面，總之一重播佢就講。」