陳柏宇要做黐身爹哋

陳柏宇前晚於澳門出席主題派對，選址於新濠影滙最新呈獻的「外星爭霸」星際互動歷險場地舉行，他甫到場粉絲即時瘋狂，柏宇亦冧招盡出，除了獻唱情歌外，還與粉絲玩遊戲，並即場在台上教粉絲調校雞尾酒，又捉住粉絲手玩水印紋身貼紙，之後再舉起自拍神器與全場Fans玩自拍，台上台下打成一片，將現場氣氛推至高峰！

讚主題設施好玩

一直深信有外星人存在的柏宇，對於「外星爭霸」有多個以外星人為主題的設施，如太空酒吧，大讚概念得意又好玩：「有唔同CG、4D蝙蝠俠模擬飛行，又有Cocktail飲，主題幾得意，幾鍾意佢哋嘅宣傳概念，我不嬲都信有外星人存在。」他又笑言飲了杯青檸特飲：「真係好好飲，令我諗起之前喺泰國酒店飲過嘅一杯飲品，真係好好味！」已有身孕的太太符曉薇今次沒有隨行，柏宇直言不想她太操勞。

陳柏宇拉埋外星人齊齊與粉絲玩自拍。	陳柏宇（左）、符曉薇（右）	陳柏宇即場調酒，可以喺太空酒吧歎番杯！

外母愈少溝通愈好

此外，柏宇昨日在港出席關於家庭的活動，表示與家人關係不俗，最重要相處舒服，問到將來如何教小朋友？他說：「我要教佢係咁黐住我，逼佢同我溝通，細個嘅時候啦！但大個咗，佢哋要有自己社交圈子。」問到他與外母關係如何？他笑言：「起初係會有意見不合，但依家好好多，搵到適合嘅溝通方法，就係唔好溝通咁多，間唔中食飯，少啲見對大家耐性好啲，相見好同住難係真嘅。」

文：專案組