劉小慧大阪買樓當返鄉下

蘇志威、劉小慧、林盛斌（Bob）、范振鋒（阿范）、李思欣、姚嘉妮及林祖輝昨日到大角咀出席MediPoint醫學健康中心開幕活動，分享對身體檢查及保持健康的看法。蘇志威及小慧直言向來少做體檢，但參觀這間醫學健康中心後發現有一站式服務，表示之後會勤做身體檢查。

預買兩房單位

問到近況，小慧透露19歲女兒將於9月到日本大阪留學三年多，最近她忙於為女兒準備，例如解決住屋問題：「個女第一次離開我哋咁長時間，都好掛住，依家幫佢睇緊樓，買樓機會都幾大，始終樓價冇香港咁貴，與其租幾年，不如買。（預算幾多？）唔好講錢，都係兩房單位，應付到，其實平時我哋都一年去兩、三次日本，買咗樓之後就可以更經常返呢個『鄉下』。」她透露女兒此行是去學整甜品：「其實佢都有天分，希望佢變得更專業！（呢段時間陪多啲個女？）佢不嬲黐父母，會珍惜相處時間，佢都大個，父母係時候放手。」

Bob爆范振鋒陽痿

而搞笑的Bob及阿范在台上針鋒相對搞氣氛，Bob先自嘲有暗病，經常跟阿范一齊「瀨嘢」，因此要多做身體檢查。他又問思欣覺得阿范身體哪裏最唔妥？思欣笑言阿范全身病，Bob續說：「阿范啲陽痿醫好未？」思欣配合地笑說：「醫好咗！」嚇得阿范急急澄清：「係誤傳！」又隨即指Bob有口臭，要睇牙科。

劉小慧大讚女兒君蕎整甜品有天分。	李思欣都係搞吓笑，范振鋒唔會嬲嘅！	姚嘉妮與林祖輝夫妻檔恩愛現身。

文：影視組