林穎彤怕被取笑戒踎住飆高音

藝人林穎彤、陳百祥、何家勁、雷莊𠒇和陳庭欣等昨日出席無綫慈善節目拜神，將聯同余思霆、周志康等參與跳唱環節的林穎彤，雖有舞蹈底子，苦練舞蹈動作仍搞到雙腳痠痛。對於早前被網民取笑她飆高音時踎一踎低的動作奇怪，她笑說：「我戒咗個動作啦！唱歌老師都有教啲方法，不過我做得唔自然，同埋嗰次着咗高踭鞋，真係被人笑到有恐懼症！」
林穎彤苦練舞蹈，搞到雙腳痠痛。
林穎彤苦練舞蹈，搞到雙腳痠痛。

至於久未露面的何家勁，近年主力在惠州管理健康食品生意。問到現時可有戲癮？他承認有很多人找他，但要遇到想演的劇本才會拍。問到是否已婚？何家勁說：「呢啲撞到就有，撞唔到就冇。（有小朋友？）都係嗰句啦，撞到就有，撞唔到就冇，唔使公開嘅。」

何家勁與陳百祥敍舊。
  • 何家勁與陳百祥敍舊。