蔣怡負荷重想快啲生
腹大便便的名模蔣怡（CoCo），日前和珠寶設計師老公翁狄森在上環酒樓歎茶，離開時只見她肚大如籮，但行動敏捷，可能趕時間關係，她未有行就近的斑馬線，與老公直過對面馬路，齊齊坐電車。
CoCo受訪時指自己外表看似輕鬆，重了廿幾磅其實好論盡：「個身負荷好重，無論行、企都辛苦，覺得好似隻河馬，瞓又瞓得唔好，好想快啲生囝囝出嚟唔使咁辛苦。咁啱嗰日BB冇踢得我咁緊要先行到。」BB將於6月中出世，最近傭人要返菲律賓兩個星期，找了兼職新人幫手買餸煮飯，接送囡囡返興趣班及游水，CoCo說：「其他都係我自己做，好攰呀！老公都幫多咗手，等我可以瞓多啲。」
