「佢唔係袁偉豪，係蕭正楠」洪永城被連環認錯瘀！
藝人洪永城及譚凱琪昨日出席活動，一展廚藝及互餵試食。譚凱琪直言最叻煲湯，洪永城即自爆「瘀事」：「我近日去買湯包，個店員話我近期偷吻人嗰套劇好好睇，點知再有另一個店員衝出嚟，我以為佢幫我解圍，點知佢話：『佢唔係袁偉豪，係蕭正楠呀！』我放低湯包走人！」
問譚凱琪會否炮製靚湯給男友品嘗？她笑着說：「咁大煲湯會叫埋佢嚟飲。洪永城係孤兒仔，下次叫埋佢啦。」洪永城聞言即謂：「咁我夜晚真係幾凍同寂寞嘅。我自己煮嘢一般，都想搵個煮嘢叻嘅另一半，一凹一凸嘛。」不過，他強調感情事隨緣。