原子鏸情定香港坐渡輪影婚照
女星原子鏸（Marsha）今年初獲摩洛哥男友求婚，一對新人將於明年在香港舉行婚禮，二人開始籌備婚事，昨日更拍攝婚紗照。Marsha在社交網分享拍攝花絮，她先穿上白色低胸婚紗，大晒驕人上圍，相當火辣，之後再換上紅色裙褂並佩戴紅花頭飾，各展中西韻味。Marsha亦與未婚夫自拍短片晒恩愛，二人興奮表示這只是其中兩套造型，其他陸續有來，請大家拭目以待。
Marsha昨日接受電話訪問，表示與老公在港定情：「我同老公喺香港定情、香港拍拖，所以揀喺香港有代表性嘅地道景點，如渡海小輪、石板街等地方影婚照，覺得更有紀念價值！不過今日好熱，化妝都溶晒，雖然辛苦，但過程好順利，影得好開心！」她又積極做運動保持最佳狀態，她晒出幾張做瑜伽及行山相，其中一張更「腿張開」，瞓低玩一字馬，並有人站在其大髀上，認真神乎其技。
攝影：Henri Choi
婚紗：MaFa Bridal