布志綸背妻攬吳海昕同遊布拉格
樂隊Mr.主音布志綸（Alan）去年加盟新公司作單飛發展，早前他遠赴布拉格為新歌《經得起變化》拍MV，並找來「民選港姐」吳海昕（Sofiee）客串演出。二人在MV中有不少擁抱等親密鏡頭，作為人夫的Alan表示不尷尬：「愈尷尬拍出嚟會好怪。」曾與不少男演員拍過親熱戲的Sofiee笑說：「MV好少嘢，都係點到即止，冇咀戲。」
一次生兩次熟
今次是Sofiee第二次幫Alan拍MV，Alan讚她是專業演員，為追求電影夢不停進修學習，並笑說：「佢係大癲大肺，但一做嘢就好認真，喺演技上仲可以教我，好佩服佢。」Sofiee坦言第一次合作時二人完全不熟，但經過今次布拉格之旅，變成好友：「佢好多嘢講，我成日話佢係『吹水王』，我哋有傾戲同音樂，佢好有才華，拎住個結他得閒就同外國人Jam歌，隨時隨地都作到旋律同作詞。喺演戲上我都覺得佢有天分，啲人話佢似張家輝，好簡單嘅對白佢都講得好有深度，我哋會互相鼓勵。」
重遊舊地遭歧視
MV導演兼任形象指導，向巴黎時裝設計朋友借了一批靚衫給Alan和Sofiee，服裝費高達十萬元。提到今次到布拉格取景，原來是由Alan慫恿老闆，他指當地消費不高，屬於經濟旅遊地方，有不少靚景及古堡，續說：「不過我發覺當地人變得冇以前咁友善，有少少歧視，唔知係咪多咗亞洲人去，可能覺得亞洲人唔係太有禮貌，不過我都係本住香港人精神，友善同客氣待人。其實拍攝冇阻滯都好順利，只係有時去餐廳嘅招待唔係特別好。」
文：音樂組