《深宮計》內地有得睇喇！
內地騰訊網日前未能讓內地視迷同步收看無綫熱播劇《宮心計2深宮計》，引起不少鼓噪。有傳無綫可能要作出1億賠償，當時無綫副總經理（節目及製作）杜之克曾表示賠償問題暫未有辦法回應，但會盡快處理。昨晚騰訊網成功將《宮2》劇1至5集上架，所有劇情一刀不剪，例如第一集劉心悠與宮女的出浴場面，和第四集胡定欣與馬浚偉的床戲。而今日凌晨零時，再將7至10集上架，比香港快5集。
《宮》劇總監製梅小青表示：「騰訊方面啱啱通知我哋今晚（昨晚）有得播，免費上咗5集，一出已有4,000萬點擊，我聽到都好開心，希望可以有多啲人睇到我哋嘅心血。」杜之克則回應：「我依家身在美國，除咗希望內地觀眾喜歡《宮2》外，暫時未有其他回應。」至於男主角馬浚偉聞得好消息，即於社交網留言：「各位，騰訊全國同步播放，正式開始！Yeah！」
