張敬軒扮晒蟹撩日本妹影寫真

軒仔與細So繼之前到日本的女僕Cafe及「人妻廚房」朝聖後，日前於社交平台發布「天才遊童」第五彈。今次二人搞搞新意思，到表參道玩街頭實測比賽，除了搵途人合照外，更大玩「誰是歌手」。為了增加遊戲難度，二人分別戴上騎呢又搞笑的蟹及魷魚頭套進行比賽。

「可以影張拖羅嗎？」

臨出發前，軒仔及細So做足準備學定「可以影張相嗎」的日文，然後胸有成竹去比賽。甫開始，細So積極搵途人合照，見遠處有兩位女士即飛奔過去，但他大意將「影相」講錯成「拖羅」，整句意思就變了「可以影張『拖羅』嗎」，兩位女士當然耍手擰頭拒絕，（火羅）到爆！

至於軒仔成功邀得多位日本妹合照，更頻頻被估中是歌手。期間有少女怕醜讚他：「Kawaii（可愛）！」，氹到軒仔眉飛色舞。其後有三名少女得悉軒仔是歌手後，即化身起底組上網搵資料。

兩位少女影相時明顯靠向軒仔，扮魷魚的細So慘被冷落。	張敬軒不停賣萌，氹到日本妹笑唔停。	張敬軒自嘲喺日本冇人識。

自認偶像歌手

經過一輪「苦戰」，最後軒仔以5比0完勝細So。對於今次的街頭實測，軒仔有感而發：「真係覺得喺香港好幸福，行出街耐唔耐都有人搵我哋影相，但嚟到日本，求人都冇人肯同我哋影。」在旁的細So不屑說：「原來歌手有樣睇o架喎！」軒仔反擊：「我不嬲都係偶像歌手。」

文：音樂組