曾藐爆霆鋒火火耍冧求饒
藝人謝霆鋒於最新一集的《鋒味前奏》於「主場」邊炒飯、邊與導演火火傾訴心事，出道多年的霆鋒自爆最大的敵人是自己，又指對自己有好多不滿：「我係處女座，覺得所有嘢都『未夠好、再嚟過』。」
期間火火突然跟霆鋒懺悔耍冧，坦言曾藐爆對方：「對唔住呀師傅，以前少不更事，聽你首《壞習慣》嗰時，覺得壞乜鬼嘢習慣啫，但之後《潛龍勿用》、《活着Viva》嗰啲我成日煲o架！」霆鋒笑笑口多謝火火夠誠懇，之後「反擊」寸爆對方中間「罷聽」，再黯然話：「時下嘅年輕人追求夢想唔係一朝一夕，唔知道十年後會變成點，然後今日有人同你講：『我之前鬧過你o架！不過依家OK。』」
此外，霆鋒昨日大晒整甜品相，表示給工作人員當下午茶，引死一班Fans！