徐濠縈要腹肌放棄追B

藝人徐濠縈、吳千語及陳漢娜等前晚出席品牌活動，阿徐透露成功勸到老公陳奕迅（Eason）做健身，剛開始與教練進行地獄式訓練，問到Eason會否不夠恒心？她笑說：「暫時仲有，佢驚我鬧，畀三個月時間佢，唔使咁急。（獎勵老公？）佢有同我講條件！（生B？）唔啦，我老喇！鍾意六舊腹肌多過大肚。」
徐濠縈透露Eason已開始地獄式訓練。
徐濠縈透露Eason已開始地獄式訓練。

吳千語被問到早前被拍得跟有米新歡施伯雄約會，她表示雙方是朋友關係：「難有進一步。（了解中？）一直都係朋友，識咗好耐。」而影壇新貴陳漢娜被問到日前與杜汶澤夫婦飯敍，是否有合作機會？她透露之前因參與電影而認識杜汶澤：「佢話『我老婆（田蕊妮）好鍾意你』，大家食飯認識吓，可能遲啲有合作。」

吳千語講明同緋聞對象難有進一步發展。
  • 吳千語講明同緋聞對象難有進一步發展。