陸詩韻「硬食」做李美慧姊妹
前港姐李美慧「豪」式婚禮即將展開，姊妹團方面，她竟「意外」找來老公的弟弟曾文能昔日女友陸詩韻做姊妹，坦言事前不知情，亦不怕他們尷尬，並笑說：「佢應承咗都要做啦！」
李美慧與富商曾文豪將於六月三日在淺水灣設婚宴，二人拍拖半年「閃婚」，更花近百萬在不丹及喜瑪拉雅山影婚紗相，之後會在男方最新於法國購買的美麗花園開派對，屆時會請香港的親友到現場分享喜悅。
「世事就係咁巧合」
現時美慧期待着自己的婚禮，問到姊妹團方面，她表示會找陸詩韻及一些以前的圈內朋友擔任，說到陸詩韻之前曾與曾文豪的弟弟曾文能拍拖，她笑說：「唉呀！我哋之前真係唔知，一叫佢就應承，大家都冇講過，不過依家大家都知，佢應承咗都要做啦！（怕唔怕佢哋尷尬？）咁大個人唔會啦！」
而陸詩韻接受訪問時亦大方承認：「係呀！不過應承佢做姊妹時，根本唔知佢丈夫係邊個，世事就係咁巧合，我同美慧十多年前已認識，但唔係話好熟，之後拍劇重遇番，有時大家共同朋友聚會都會見到，佢當日叫我做姊妹，我一口就話『好呀』！根本冇問過佢丈夫係邊個。（會唔會驚到時見到曾文能尷尬？）又唔會，我哋大家都係朋友，有時喺啲聚會都會見到，見到佢家人都唔會尷尬囉！」
買法國園地搞結婚派對
提到法國的結婚派對時，美慧難掩心中興奮：「嗰個園地係佢（曾文豪）最新買嘅，到時我哋會安排親友飛過法國，然後坐直升機到達園地，佢都識揸直升機，到時會親自揸過去，我都係第一次坐，依家派對場地搵人布置緊。」
文：影視組